Trashëgimia kultuore pa Kufij – CHwB është fondacion joprofitabil i cili merret me promovimin e konservimit të pronës kulturore në vendet e shkatërruara nga konfliktet e armatosura, katastrofat apo rreziqet tjera, si dhe stimulimin e hulumtimeve për politika publike në fushën e trashëgimisë kulturore.
Si një mënyrë për ta ngritur interesimin dhe vetëdijësimin publik për rolin dhe rëndesinë e trashëgimisë kulturore në shoqërinë kosovare, si dhe për ta demonstruar rolin e mediave për këtë qellim, CHwB fton të gjithë gazetarët e mediave të shkruara që të marrin pjesë në
KONKURS
për artikullin më të mirë me temën që shtjellon gjendjen, problematikën dhe trajtimin e trashëgimisë kulturore në Kosovë si edhe rolin e inistitucioneve, shoqërisë civile e komunitetit në promovimin dhe ruajtjene saj.
Artikulli duhet të shkruhet për publik të gjërë, me gjuhë të kuptueshme dhe joteknike, të jetë i botuar në njërën nga mediat e shkruara vendore (shtypi dhe interneti), dhe të mos jetë më gjatë se 2 faqe A4 (arial 11)
Konkursi është i hapur deri me 04 dhjetor 2009. Përzgjedhja e fituesve do të bëhet nga juria profesionale.
Rezultatet do të shpallen publikisht në fillim të dhjetorit, ndërkaq ndarja e shpërblimeve bëhet me 10 dhjetor 2009, gjatë ceremonisë së CHwB-së për festat e fundvitit.
Shpërblimet për artikullin më të mirë janë:
Vend i parë300 Euro
Vendi i dytë200 Euro
Vendi i tretë100 Euro
Artikujt duhet dërgohen në adresën elektronike: kosovo@chwb.org
