Rreth 120 studentë kanë aplikuar në kursin Arkitektura Tradicionale dhe Metodat e Dokumentimit, që do të organizohet në Prizren, prej 12 deri më 23 Korrik 2010.
Nga 120 aplikantë, 23 janë përzgjedhur, një numër I tyre, nga vendet e ndryshme të Evropës dhe regjionit: Gjermania, Bullgaria, Serbia, Turqia, Shqipëria etj.
Stafi i CHwB-së në bashkëpunim të ngushtë me stafin e IMMPz, filluan pregaditjet për organizimin sa më të mirë të kursit. Është bërë përzgjedhja e shtëpive, gjatë muajit Korrik pesë shtëpi tradicionale që datojnë nga shekujt XVIII dhe XIX, do të dokumentohen.
Krahas procesit të dokumentimit, gjatë këtyre dy javëve studentët do të kenë mundësi të njihen më mirë më arkitekturën tradicionale dhe trashëgiminë kulturore të Prizrenit.