Fillon përpilimi i Planit Zhvillimor Urban (PZHU) të Junikut dhe Planit Rregullativ Urban (PRrU) të qendrës së Junikut
26. 08. 2008

Më 23 Qershor 2008 Pilot Njësia Komunale e Junikut dhe CHwB kanë nënshkruar marrëveshjen lidhur me përkrahjen dhënë Pilot Njësisë Komunale Junik rreth hartimit të Planit Zhvillimor Urban (PZHU) të Junikut dhe Planit Rregullativ Urban (PRrU) të qendrës së Junikut.

Procesi i hartimit të PZHU dhe PRrU Junikut pason pas periudhës së Punëtorisës së Vizionimit (17-22.09.2008), prezanitmit publik të Punëtorisë më 13.11.2007, Punëtorisë së Postvizionimit (17.05.2008) dhe aprovimit përfundimtar të Dokumentit Integrues të Vizionimit.

Më 21 Korrik 2008 CHwB nënshkran kontratën me kompaninë për urbanizëm dhe arkitekturë Metropolis pranë Universitetit Polis në Tiranë, Shqipëri. Metropolis do të jetë bartës professional dhe nënkontraktorë i CHwB-së gjatë periudhës së hartimit të PZHU dhe PRrU Junik.

Periudha e dizajnimit të PZHU dhe PRrU-së ka filluar më 21 korrik 2008.

Mbahet Punëtoria e Vizionimit për Mamushën
26. 08. 2008

Punëtoria e Vizionimit për Pilot Njësinë Komunale të Mamushës është mbajtur prej 12-17 qershor 2008, në Ohër, Maqedoni.

Mbahet prezantimi publik i punëtorisë së vizionimit për Junik
16. 11. 2007
Më 13 nëntor 2007 është mbajtur prezantimi publik i Punëtorisë së Vizionimit për Junik. Prezantimi është mbajtur në Kullën e Ramë Zyberit, kullë e saporestauruar nga një pronar privat në Junik.

Mbahet punëtoria e vizionimit për Junik
12. 11. 2007

Prej 17 deri më 22 Tetor 2007 në Ohër, (IRJ e Maqedonisë) është mbajtur Punëtoria e Vizionimit për Junik. Punëtoria ku morën pjesë përafërsisht 30 pjesëmarrës (planerë profesionistë, përfaqësues të PNK Junik, profesionistë tjerë dhe komuniteti) u organizua nga Fondacioni Trashëgimia Kulturore pa Kufij, Programi i UN-HABITAT-it për Mbështetjen e Planifikimit Hapësinor Komunal (MuSPP) në Kosovë dhe Kuvendi Komunal i PNK Junik në bashkëpunim me Këshillin Joformal të Shoqrisë Civile në Junik dhe regjion.